Mamlakatimizda yuqumli va parazitar kasalliklar, jumladan, virusli infeksiyalar tarqalishining oldini olish masalasiga katta e’tibor qaratib kelinmoqda.

Bu borada, ayniqsa, Respublika ixtisoslashtirilgan epidemiologiya, mikrobiologiya, yuqumli va parazitar kasalliklar ilmiy-amaliy tibbiyot markazi Virusologiya ilmiy-tadqiqot institutining o‘rni katta.

Bu borada amalga oshirilayotgan ishlar haqida muassasa direktori Erkin Musaboyev axborot berib o‘tdi.

“Yurtimiz bo‘ylab virusli gepatit V va S turlarini barvaqt aniqlash maqsadida 2023-yildan boshlab salkam 2  million kishini skriningdan o‘tkazish reja qilingan edi. Joriy yilning olti oyi yakuni bo‘yicha bu reja har ikkala yo‘nalishda 80,5 foizga bajarildi va bir million 600 ming nafarga yaqin kishi skriningdan o‘tkazildi.

Shu o‘rinda Germaniyaning Gannover tibbiyot maktabi bilan birgalikda “O‘zbekistonda virus bilan chaqirilgan jigar saratoni profilaktikasi: Toshkent — Gannover jigarni o‘rganish tarmog‘i” loyihasi amaliyotga tatbiq etilayotganligini alohida ta’kidlamoqchimiz.

Loyihadan ko‘zlangan maqsad yurtimizda virus bilan chaqirilgan jigar saratoni profilaktikasining samarali va barqaror tizimini yaratishdan iborat bo‘lib, bu yo‘nalishda muayyan ishlar ro‘yobga chiqarildi” – deya so‘zlarini yakunladi Erkin Musaboyev.

• Gepatit
• Hisobot
• Kasallik
• Vazirlik