O‘zbekiston Respublikasi Madaniyat vazirligi tomonidan milliy madaniyatimizni xorijda targ‘ib qilish, uning xalqaro miqyosda tanitilishiga hissa qo‘shish, shuningdek, Turkiyada yashayotgan vatandoshlarimiz o‘rtasida birdamlikni mustahkamlash borasidagi fidokorona sa’y-harakatlar munosib e’tirof etildi.

Mazkur yo‘nalishdagi ishlarni yanada jadallashtirish maqsadida, O‘zbekiston madaniyat vazirligi tomonidan Turkiyada faoliyat yurituvchi “madaniyat elchisi” lavozimi joriy etildi.

Ushbu mas’uliyatli va sharafli vazifaga, milliy ildizlariga sadoqat bilan xizmat qilib kelayotgan, 60 yoshli asli ota-bobolari O‘zbekistondan bo‘lgan Chokay Kochar tayinlandi.

Yorliqni O‘zbekistonning Turkiyadagi favqulodda va muxtor elchisi Ilhom Haydarov topshirdi.

Ma’lumot uchun:
Chokay Kochar Turkiyaning Adana shahrida tug‘ilgan, millati - o‘zbek. Selchuk va Gelishim universitetlarini tamomlagan. Uzoq yillar davomida “Turkistonliklar jamiyati”da faoliyat yuritgan. So‘nggi yillarda esa “O‘zbekiston madaniyati, birdamlik va hamkorlik jamiyati”ni tashkil etib, Turkiyada o‘zbek milliy qadriyatlarini asrab-avaylash, urf-odatlarimizni yosh avlodga yetkazish va madaniy almashinuvni rivojlantirishga katta hissa qo‘shib kelmoqda.

“Madaniyat elchimizga kelgusi faoliyatlarida ulkan muvaffaqiyatlar tilaymiz” – deyiladi O‘zbekiston elchixonasining rasmiy sahifasi orqali.

• Elchi
• Madaniyat
• San’at
• Turkiya