Ijtimoiy tarmoqda keltirilgan hujjatga ko‘ra, madaniyat vaziri Nazarbekov Ozodbek Ahmadovich “Ohangaron mo‘jiza bog‘i” MChJning 40 foiz ulushiga egalik qilmoqda.

Bu haqdagi ma’lumotlar Orginfo.uz saytida keltirilgan. Manbada qayd etilishicha, korxona 2011-yil 7-aprelda Ohangaron tumani hokimiyati ro‘yxatidan o‘tkazilgan. Ustav fondi 91,3 million so‘m, boshqaruv rahbari Abduvohid Irsaliyev ekani ko‘rsatilgan.

Davlat reyestrida mazkur MChJning faoliyat turi sifatida danakli va po‘choqli urug‘i bo‘lgan mevalar yetishtirish ko‘rsatilgan. Firmaning yuridik manzili esa Toshkent viloyati Ohangaron tumanida joylashgan.

Ozodbek Nazarbekov 2016-yilda tashkil etilgan MChJga 100 foizlik ulush bilan ta’sischi bo‘lib kelgani aniqlangan edi.

Eslatib o‘tamiz, hukumatning 1992-yil 6-martdagi “Tadbirkorlik faoliyati bilan shug‘ullanish taqiqlangan mansabdor shaxslarning ro‘yxati to‘g‘risida”gi qaroriga asosan davlat hokimiyati va boshqaruv organlarining, huquqni muhofaza qilish organlarining xodimlariga tadbirkorlik faoliyati bilan shug‘ullanishi taqiqlangan.

• Nazarbayev