Bahraynda o‘tkazilgan Osiyo Olimpiya Kengashi Ijro qo‘mitasi yig‘ilishida Toshkent 2029-yilgi IV Osiyo yoshlar o‘yinlariga mezbonlik qilishi haqida qaror qabul qilindi. Bu haqda III Osiyo yoshlar o‘yinlarining tantanali yopilish marosimida e’lon qilindi.
Ma’lumot uchun, Osiyo Olimpiya kengashi 2024-yil dekabr oyida 2025-yili O‘zbekistonda o‘tishi rejalashtirilgan yoshlar o‘rtasidagi Osiyo o‘yinlari, sport inshootlari tayyor emasligi sabab, Toshkentdan olib qo‘yilib, Bahraynga berilgandi. Mazkur turnir uchun O‘zbekiston 289 mln dollar qiymatidagi Olimpiya shaharchasini qurayotgan edi.
O‘zbekistonlik sportchilar Bahrayn mezbonlik qilgan musobaqada 37 oltin, 16 kumush va 28 bronza medalini qo‘lga kiritib, umumjamoa hisobida Xitoydan keyin ikkinchi o‘rinni egalladi.
Bu O‘zbekistonning yoshlar o‘rtasidagi Osiyo o‘yinlari tarixidagi eng yaxshi natijasi hisoblanadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!