AQSh prezidenti Jo Bayden qayta saylanish uchun o‘z saylov kampaniyasiga pul yig‘ishni boshlagan edi. Kecha, 5-dekabr kuni u Bostonda ham Demokratik partiya uchun 3 ta donorlar bilan uchrashuv o‘tkazgan.

Aynan shu marosimda Baydin 7-oktabr kuni bo‘lib o‘tgan operatsiya davomida XAMAS ayollarni bir necha bor zo‘rlagan va ularning jasadlarini bo‘laklaganini da‘vo qilgan.

Shuningdek, soʻnggi bir necha hafta ichida qaytarilgan garovdagilar tasavvur qilib boʻlmaydigan shafqatsizlik haqida maʼlumotlar berganini aytib o‘tgan.

Uning so‘zlariga ko‘ra, XAMAS isroillik mahbus ayollarni zo‘rlagan, ayollarning jasadlari tahqirlangan. Baydenning bu iddaolariga nisbatan XAMAS harakati a’zoari javob berishdi.

A’zolarning fikricha, Baydenning bu xatti-harakati uning ma’naviy tanazzulga uchraganini isbotladi, chunki u Isroilning yolg‘on da’volarini takrorlayapti, deyiladi.

XAMASning aytishicha, bunday ochiq-oydin yolg‘onlarning maqsadi falastinliklarga qarshi Amerika qurollaridan foydalangan holda Isroil rejimining urush jinoyatlarini yashirishdir.

Qarshilik harakati xalqaro ommaviy axborot vositalarini AQSh va Isroil tomonidan ilgari surilgan yangi ayblovlarning noto‘g‘riligini isbotlashga chaqirgan. Isroil genotsidi, bolalarning o‘limi yoki shifoxonalarni o‘z qo‘mondonlik markazi sifatida ishlatgani hanuz e’tibordan chetda qolmoqda, deb xitob qilgan.

• AQSh
• Bayden
• Isroil
• Tramp