Xitoy Xalq Respublikasi avtomobil eksport qilish bo‘yicha yangi rekord o‘rnatdi va birinchi marta xorijga sotilgan avtoulovlar soni 3 million donadan oshdi. Eng katta o‘sish elektromobillar segmentida qayd etilgan. Bu haqda “South China Morning Post” nashri xabar berdi.
Xitoy avtomobil bozori uchun 2022-yil muhim voqealarga boy bo‘ldi – mamlakat dunyodagi avtomobillarning asosiy eksportchilaridan biriga aylandi. Mamlakat avtomobil kompaniyalari tomonidan xorijiy xaridorlarga 3,111 million dona ulov yetkazib berilgan, bu bir yil avvalgidan 54,4 foizga ko‘pdir.
Xitoy avtomobil ishlab chiqaruvchilar assosiasiyasi ma’lumotlariga ko‘ra, 2022-yilda boshqa mamlakatlarga 2,53 million dona yengil avtomobil (+56,7 foiz) va 582 ming dona tijorat mashinalari (+44,9 foiz) yetkazib berilgan. Eng katta o‘sish elektromobillar segmentida qayd etilgan bo‘lib, ularning 679 mingtasi eksport qilindi, bu o‘tgan yilga nisbatan 120 foizga ko‘pdir.
Xitoy avtomobil eksporti bo‘yicha dunyoda faqat Germaniya, AQSH va Yaponiyani ortda qolmoqda, bu borada XXR to‘rtinchi o‘ringa ko‘tarildi. Xitoyda ishlab chiqarilgan benzinli avtomobillarining aksariyati Janubi-Sharqiy Osiyo, Meksika va Birlashgan Arab Amirliklarida sotiladi, elektromobillarga esa Belgiya, Buyuk Britaniya va Filippinda talab yuqori.
Xitoyning eng yirik avtomobil eksportchisi MG va Maxus brendlarini o‘z ichiga olgan SAIC konserni hisoblanadi. Ikkinchi o‘rinni “Chery”, uchinchi o‘rinni esa mahalliy “Tesla” zavodi egalladi.
Xitoydan dunyodagi eng mashhur avtomobillar:
“SAIC” – 906 ming dona;
“Chery” – 452 ming;
“Tesla” – 271 ming;
“Changan” – 249 ming;
“Dongfen” – 242 ming;
“Geely” – 198 ming;
“Great Wall Motor” – 173 ming;
“JAC” – 115 ming;
“BAIC” – 110 ming;
“CNHTS” – 83 ming.
Mamlakatning “Citic Securities” investisiya banki ekspertlari 2030-yilga borib Xitoyning yillik avtomobil eksporti 5,5 million donaga yetishi mumkinligini taxmin qilmoqda. Ta’kidlanishicha, shundan 2,5 millioni elektromobillar bo‘ladi.
Avvalroq, Xitoyning BYD (Build Your Dreams) va “O‘zavtosanoat” AJ (UzAuto) yangi energiya manbaalarida xarakatlanuvchi avtomobillar ishlab chiqarish bo‘yicha Qo‘shma Korxona tashkil qilish kelishuvini imzolagani xabar qilingan edi.
Qayd etilishicha, eng ommabop yangi energiya manbaalarida xarakatlanuvchi avtomobillar, jumladan, DM-i turidagi super gibrid modellar va ularning butlovchi qismlarini ishlab chiqaruvchi mazkur qo‘shma korxona O‘zbekistonda joylashishi rejalashtirilgan.
Yangi tashkil etilgan qo‘shma korxona orqali UzAuto va BYD kompaniyalari O‘rta Osiyoda va undan tashqari xududlarda yangi energiya manbaalarida xarakatlanuvchi avtomobillardan, ularning ekologik ustunliklaridan foydalanishni kengaytirish va bozorini yanada rivojlantirishni maqsad qilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!