“АзерТАЖ” xabariga ko‘ra, 2024-yil birinchi yarmida Xitoyda nikoh 12,5 foiz qisqargan – jami 3,43 million juftlik shartnoma tuzgan. Mahalliy ekspertlar bu 1980-yildan bu yog‘iga eng past ko‘rsatkich ekanini tasdiqladi, deya ta’kidladi UzA.

Demograf Xa Yafu fikricha, qonuniy oila qurish yildan yilga muntazam sustlashib borishiga asosiy sabab 2014-yildan boshlab yosh aholi soni keskin kamaygan. Shuningdek, yuzaga kelgan holat gender nomutanosibligi bilan ham bog‘liq. Ya’ni, erkaklar soni ayollarga qaraganda ko‘p. To‘y qilish narxi ko‘tarilishi, turmush qurish g‘oyasiga qarash o‘zgarishi ham yoshlarni bir-biridan uzoqlashtirmoqda.

2022-yil Xitoy Kommunistik partiyasi 20-Kongressida tug‘ilishni oshirish, homiladorlik, ta’lim va bolani tarbiyalash xarajatini kamaytiradigan tizim yaratish muhimligi ta’kidlangan edi.

• Xitoy