Xitoy 20 dan ortiq shaharlarda nikoh va farzand ko‘rishning “yangi davr” madaniyatini yaratish bo‘yicha loyihalarni ishga tushiradi, bu hukumatning mamlakatda tug‘ilish darajasini rag‘batlantirish bo‘yicha so‘nggi harakatidir.

Xitoyning oilani rejalashtirish assotsiatsiyasi, hukumatning aholi va tug‘ilish bo‘yicha chora-tadbirlarini amalga oshiruvchi milliy organi ayollarni turmush qurish va farzand ko‘rishga undash bo‘yicha loyihalarni ishga tushiradi.

Qayd etilishicha, bu loyihalarda asosiy e’tibor oila qurish, farzandlarning munosib yoshda tug‘ilishi, ota-onalarni farzand tarbiyasi mas’uliyatini birlashtirishga da’vat etish, “kelin bahosi” va boshqa eskirgan amaliyotlarga chek qo‘yishga qaratilgan.

“Jamiyat yoshlarni nikoh va farzand ko‘rish masalalariga ko‘proq yo‘naltirishi kerak”, – deydi demograf Xe Yafu.

Loyihalar Xitoy provinsiyalari odamlarni farzand ko‘rishga undash, jumladan soliq imtiyozlari, uy-joy subsidiyalari va uchinchi farzand uchun bepul yoki subsidiyalangan ta’limni rag‘batlantirish maqsadida qilinayotgan bir qator chora-tadbirlar fonida amalga oshirilmoqda.

Qayd etish mumkin, Xitoy 1980-yildan 2015-yilgacha qat’iy sur’atda “bir oila uchun bir bola” siyosatini olib bordi. Natijada Hindiston Chin mamlakatini ortda qoldirib, dunyodagi eng ko‘p aholiga ega mamlakatga aylandi. O‘shandan buyon cheklov uch nafar bolaga oshirildi.

So‘rovnomalar natijasiga ko‘ra, mamlakatda ko‘pgina ayollar birdan ortiq farzand ko‘rishni xohlamaydi, bunga bolalarni parvarish qilish xarajatlari va gender tengsizlik asosiy to‘siq bo‘lmoqda.

• Xitoy
• tug'ilish