Xitoyning Syamin shahrida XXIV xalqaro investitsiya va savdo forumi bo‘lib o‘tdi. Andijon viloyatining hokimi topshirig‘iga asosan viloyat mutasaddilari mazkur forumda qatnashib, bir qator yirik kelishuvlarni amalga oshirdilar.

Jumladan, chiqindini qayta ishlash orqali elektr energiyasi ishlab chiqarish loyihasi bo‘yicha “Jin Ming” energetika kompaniyasi bilan 250 million dollar qiymatdagi muhim memorandum imzolandi.

Shuhrat Abdurahmonov tashabbusi bilan loyiha Andijon tumani hududida amalga oshirilishi rejalashtirilmoqda va qurilish ishlari kelgusi oydan boshlanishiga kelishib olingan.

Bundan tashqari, jami qiymati 100 mln dollarlik bo‘lgan 5 ta istiqbolli loyiha ham ko‘rib chiqilmoqda.

• Andijon