Polsha Milliy Assambleyasi quyi palatasi 14-dekabr kuni kechqurun Rossiyani “terrorizmni qo‘llab-quvvatlovchi davlat” deb tan olish to‘g‘risidagi rezolyutsiyani qabul qildi.
Uni qabul qilish uchun 231 deputat ovoz berdi, 226 deputat bu ovoz berishda qatnashmadi.
“Polsha Respublikasi parlamenti quyi palatasi Rossiya Federatsiyasini terrorizmni qoʻllab-quvvatlovchi va terrorchilik usullaridan foydalanadigan davlat sifatida tan oladi”, — deyiladi hujjatda.
Matnda aytilishicha, Rossiya Federatsiyasi “inson huquqlari, xalqaro huquq”, BMT Nizomi va boshqa ba’zi majburiyatlarni tizimli ravishda buzadi, boshqa mamlakatlarning hududlarini anneksiya qiladi, qurolli hujumlar, urush jinoyatlari, genotsidlar va iqtisodiy harakatlar, xususan, energetika sohasida dushmanlik qiladi.
Hujjatda, shuningdek, Rossiya 2014-yil iyulida Malayziyaning Boeing 777 (MH17 reysi) yo‘q qilingani, shuningdek, 2010-yil aprelida Smolensk yaqinida 96 kishining, jumladan, Polsha prezidenti Lex Kachinskiyning halok boʻlishiga olib kelgan Tu-154 aviahalokati uchun to‘g‘ridan-to‘g‘ri javobgar ekanligi ta’kidlangan.
Matnda, shuningdek, qiynoqlar, qirg‘inlar, “majburiy ruslashtirish” va fuqarolik infratuzilmasiga zarar yetkazish kabi ayblovlar bilan birga Rossiyaning Ukrainaga nisbatan siyosati keskin tanqid qilinadi.
Xususan, Polsha parlamenti Rossiya Federatsiyasi “qurolli vositalar orqali xalqaro qaroqchilik harakatini amalga oshirmoqda, Ukraina portlarini to‘smoqda va urush e’lon qilmasdan ularga olib boruvchi yo‘nalishlar bo‘ylab dengiz aloqalarini falaj qilmoqda” deb da‘vo qilmoqda.
Avvalroq Strasburgdagi yalpi majlisda yevropalik deputatlarning ko‘pchiligi Ukrainadagi maxsus operatsiya munosabati bilan Rossiyani “terrorizm homiysi davlat” deb e’lon qilgan rezolyutsiyani qabul qilish uchun ovoz bergani ma’lum bo‘lgan edi. Ovoz berish natijalariga ko‘ra, 494 deputat hujjatni yoqlab, 58 nafari qarshi, 44 nafari esa betaraf qolgan.
Avvalroq Yevroparlament ham xuddi shunday rezolyutsiyani qabul qilgan edi. Ushbu rezolyutsiyaga javoban Rossiya TIV Yevroparlamentni “ahmoqlik homiysi” sifatida tan olishni taklif qildi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!