Bayram dasturxonlarida ko‘pincha shoshib yoki noto‘g‘ri ovqatlanish natijasida oshqozonimizda og‘riq yuzaga keladi, bir-ikki kun o‘zimizni yomon his qilib yuramiz. Mutaxassislar to‘kin dasturxon oldida qanday ovqatlanish bo‘yicha ayrim strategiyalarni ulashdi.

Avvalo, qorningiz ochmi yoki yo‘q — shuni aniqlashtirib oling. Och bo‘lsa, qay daraja ekanini bilish ham muhim hisoblanadi.

Faqat stolda o‘tirgan holda ovqatlaning, bu bor diqqatingizni isteʼmol qilayotgan mahsulotingizga qararishga yordam beradi.

Ovqatlanishdan oldin chuqur nafas olishni unutmang. Taomning hidi, taʼmi, harorati, tuzilishiga eʼtibor bering. Taomlardan lazzatlanish uchun ovqatning boshida, o‘rtasida va oxirida pauza qiling.

Bayram kunlarida ham oddiy kun tartibida qanday ovqatlansangiz, shu qoidaga rioya qiling. Bu oshqozonga ortiqcha yuklama bo‘lishining oldini oladi.

Taomlanayotganda shoshmaslik kerak. Tez ovqatlanganda qorin to‘yganligini bilish qiyinroq bo‘ladi. Chunki oshqozon miyangizga to‘yganligingiz haqida signal yuborishi uchun maʼlum vaqt kerak bo‘ladi.

• Yangi yil
• salomatlik