Yevrokomissiya Amerikaning “Apple” texnologik korporatsiyasiga nisbatan YeIning yirik onlayn-platformalar uchun yangi qoidalarini buzish ehtimoli bo‘yicha tergov boshladi.

Bryusselda joylashgan hokimiyat 24-iyun, dushanba kuni ma’lum qilishicha, protsedura AQSh kompaniyasi foydalanuvchilarni “Apple”ning shaxsiy App Store platformasidan tashqarida bepul dasturiy ta’minot takliflariga yo‘naltirish bo‘yicha o‘z majburiyatiga rioya qilyaptimi yoki yo‘qligini tekshiradi.

“Ishlab chiquvchilar hamjamiyati va iste’molchilar App Store muqobillariga katta qiziqish bildirmoqda. Biz Apple bu harakatlarga putur yetkazmasligi uchun tekshiruv o‘tkazamiz”, — dedi Yevropa Ittifoqining raqobat bo‘yicha komissari Margrethe Vestager.

Bundan tashqari, Yevropa Komissiyasi “Apple” tomonidan mart oyida joriy qilingan ishlab chiquvchilar uchun asosiy texnologiya to‘lovining (CTF) mutanosibligiga shubha qiladi, u yil davomida har bir ilovaning birinchi o‘rnatilishi uchun 50 yevro sentni tashkil qiladi va 1 chegaradan oshib ketganidan keyin undiriladi. Biroq agar ishlab chiquvchilar o‘z ilovalarini faqat Apple Store orqali tarqatishda davom etsa, yangi to‘lov olinmaydi.

“Apple” Yevropa Ittifoqidagi qonunlarni buzmayotganiga ishonchi komil. Agar Apple qonunga rioya qilmaganlikda aybdor deb topilsa, u global yillik sotuvlar hajmining 10 foizigacha, takroriy qoidabuzarliklar uchun esa 20 foizgacha jarimaga tortilishi mumkin.

O‘z navbatida, Apple Yevropa komissiyasining shubhalarini rad etdi. Kompaniya so‘nggi oylarda yangi Yevropa qoidalariga rioya qilish uchun bir qator o‘zgarishlar kiritganini aytdi.

“Bizning rejamiz qonunga mos kelishiga aminmiz”, – dedi korporatsiya.

• Apple
• Yevrokomissiya