Prezident raisligidagi yig‘ilishda kelgusi yilda yirik baliqchilik loyihalariga 20 million yevro yo‘naltirilishi ma’lum qilingan.

Qayd etilishicha, kelgusi yilda baliqchilik xo‘jaliklariga 530 milliard so‘m, shundan aylanma mablag‘lar uchun 200 milliard so‘m kredit resurslari ajratiladi.

Shuningdek, hosildorligi past bo‘lgan 21 ming gektar sun’iy havzalarda hosildorlikni 3 barobarga oshirib, qo‘shimcha 190 ming tonna baliq yetishtirish zarurligi qayd etilgan. Bundan tashqari, 2 200 ta xo‘jalikda 50 mingta aerator (kislorod bilan boyitish uskunasi) o‘rnatish vazifasi qo‘yilgan.

Ma’lum qilinishicha, ayni paytda viloyat hokimlari ushbu imkoniyatlardan foydalanib, nechta loyihani amalga oshirishi, mahsulot hajmini qanchaga ko‘paytirishi, qancha aholini band qilishi yuzasidan axborot bermoqda.

• Kredit
• Loyiha
• Prezident