Yaponiya hukumati avvalroq videokonferensiya orqali sammitda ishtirok etishi eʼlon qilingan Zelenskiy Xirosimaga kelganini maʼlum qildi.

Ushbu tashrif Zelenskiyning Rossiya hujumlari boshlangan 2022-yilning fevralidan keyingi Osiyo mintaqasiga birinchi safari bo‘ldi.

Zelenskiy yetakchilar bilan uchrashib, G7 davlatlarining Ukraina bilan mavjud birdamligini mustahkamlashni maqsad qilishi mumkinligi taʼkidlandi.

Yaponiya Tashqi ishlar vazirligi bayonotida, “sammitning so‘nggi kunida G7 yetakchilari o‘rtasida shaxsan Zelenskiy ishtirokida Ukraina bo‘yicha sessiya o‘tkazishga qaror qilingani” qayd etilgan.

Ukraina rahbari sammit doirasida Yaponiya bosh vaziri Kisida Fumio bilan ham uchrashadi.

Yaponiya mezbonlik qiladigan AQSh, Fransiya, Angliya, Germaniya, Kanada va Italiya rahbarlari ishtirok etadigan sammit 21-may kuni yakunlanadi.

Sammitga Yevropa Ittifoqi (YeI), Indoneziya, Hindiston, Janubiy Koreya, Avstraliya, Braziliya, Vyetnam rahbarlari va xalqaro tashkilotlar vakillari ham taklif etilgan.

G7 global siyosiy va iqtisodiy muammolarni hal qilish uchun muhim xalqaro platformalardan biri hisoblanadi.

• G7
• Yaponiya
• Zelenskiy