Ukraina prezidenti Volodimir Zelenskiy bo‘lgan samolyot mahalliy vaqt bilan 10.30 dan oldin RAF samolyotida qo'ndi. Uni Londondagi Stansted aeroportida bosh vazir Rishi Sunak kutib oldi.

“Prezident Zelenskiyning Buyuk Britaniyaga tashrifi oʻz mamlakatining jasorati, qatʼiyati va kurashidan, mamlakatlarimiz oʻrtasidagi doʻstlik daxlsizligidan dalolatdir”, — deyiladi Britaniya bosh vaziri Rishi Sunak bayonotida.

Qayd etish kerakki bu Zelenskiyning maxsus operatsiya boshlanganidan beri Britaniyaga birinchi tashrifidir.

Ukraina rahbari bugun tushdan keyin Bukingem saroyida qirol Charlz bilan uchrashadi. Undan oldin u janob Sunak bilan Buyuk Britaniyaning Ukrainani qo‘llab-quvvatlashini muhokama qiladi.

“Zelenskiy Britaniyada tayyorgarlikdan o‘tayotgan Ukraina qo‘shinlarininga oldiga ham tashrif buyuradi va mahalliy parlament oldida nutq so‘zlaydi”, deyiladi bayonotda.

Sunak idorasi, shuningdek , Ukraina Qurolli kuchlarini dengiz va havoda tayyorlashni, jumladan, qiruvchi uchuvchilar va dengiz piyodalarini tayyorlashni kengaytirish rejalarini ham eʼlon qildi . Bundan tashqari, London harbiy texnika yetkazib berishni tezlashtirmoqchi. Bayonotda aytilishicha, trening uchuvchilarga kelajakda NATO standartidagi zamonaviy qiruvchi samolyotlarni boshqarish imkonini beradi.

Zelenskiy qo‘nganidan ko‘p o‘tmay, Buyuk Britaniya ya’na Rossiya sanksiyalarini e’lon qildi, jumladan, Rossiyaga uchuvchisiz samolyotlar kabi harbiy texnika yetkazib beruvchi oltita tashkilotga hamda “Kreml elitalari orasida boylik va hokimiyatni saqlab qolishga yordam beruvchi “yovuz moliyaviy tarmoqlar”ga aloqador sakkiz nafar jismoniy va bir yuridik shaxsga qarshi", dedi hukumat.

• Buyuk Britaniya
• Zelenskiy