Ayni paytda dunyo mamlakatlari koronavirus pandemiyasining xavfli ta’siriga qarshi kurashmoqda.

Ammo hozirgacha COVID-19 koronavirus infeksiyasi bilan bog‘liq birorta holat haqida xabar bermagan davlatlar ham bor, deya xabar bermoqda Daily Mail.

Qayd etilishicha, jami 15 mamlakat va 11 ta avtonom hududlarda virus aniqlanmagan.

Koronavirus infeksiyasi qayd etilmagan mamlakatlar:

1. Komor
2. Kiribati
3. Lesoto
4. Marshal orollari
5. Mikroneziya Federativ Shtatlari
6. Nauru
7. Palau
8. Samoa
9. Solomon orollari
10. Tojikiston
11. Tonga
12. Turkmaniston
13. Tuvalu
14. Vanuatu
15. Shimoliy Koreya
 
Koronavirus infeksiyasi aniqlanmagan avtonom hududlar:

1. Pitkern orollari, Buyuk Britaniya
2. Avliyo Yelena, Buyuk Britaniya
3. Amerika Samoasi, AQSh
4. Uollis va Futuna, Fransiya
5. Svalbard, Norvegiya
6. Kristmas orollari, Avstraliya
7. Norfolk oroli, Avstraliya
8. Kokos (Kiling) orollari, Avstraliya
9. Niue, Yangi Zelandiya
10. Tokelau, Yangi Zelandiya
11. Kuk orollari, Yangi Zelandiya

Daily Mail ma’lumotlariga ko‘ra, Tongada favqulodda holat e’lon qilinib, tunda komendantlik soati joriy qilingan, barcha xorijiy mamlakat fuqarolari uchun chegaralar yopilgan.

Tinch okeanining g‘arbiy qismidagi Mikroneziya mintaqasining bir qismi bo‘lgan Palau bunday holatlar haqida xabar bermagan. 500 ga yaqin oroldan tashkil topgan mamlakatning aholisi 17 900 ga yaqin.

Tinch okeanining janubidagi Samoada ham COVID-19 holati qayd etilmagan. Hukumat 20-martdayoq favqulodda holat e‘lon qilib, xalqaro reyslarni to‘xtatib qo‘ygan.

Shimoliy Koreya 10 694 ta holat tasdiqlangan Janubiy Koreya bilan chegaradosh bo‘lishiga qaramay, mamlakatda koronavirus aniqlanmaganini ta’kidlamoqda.
 
Shuningdek, Eron bilan chegaradosh Turkmanistonda ham xuddi shunday holat. 5,8 million aholi orasida koronavirus infeksiyasi qayd etilmagan.

Xitoy bilan chegaradosh, 9,1 million aholisi bo‘lgan Tojikiston ham birorta virus yuqtirgan bemor haqida xabar bermagan.
 
Tinch okeanining janubidagi Vanuatu mamlakatida ham virus yuqishi bo‘yicha rasmiy holatlar mavjud emas, ammo hukumat hanuzgacha qat’iy choralar ko‘rmoqda.  

Xalqaro sayohatlar va jamoat joylarida to‘planish taqiqlangan.