Tojikistonda 2-may holatiga ko‘ra, koronavirusga chalinganlar soni 32 kishiga yetdi, deb xabar bermoqda Asia-Plus. 

Kasallanganlarning 15 nafari Dushanbe shahrida, 10 nafari So‘g‘d viloyatida, 5 nafari esa respublikaga bo‘ysunuvchi tumanlarda qayd etilgan.

Ta’kidlanishicha, bu ma’lumotlar mamlakat Sog‘liqni saqlash vazirligining Facebook’dagi sahifasidan olingan bo‘lib, vazirlik sayti yaxshi ishlamayapti.

Mamlakatda koronavirusga chalinish bo‘yicha dastlabki ma’lumot 30-aprel kuni e’lon qilingandi. Unda 15 kishida koronavirus aniqlangani ma’lum qilingan.

Oldinroq JSST ekspertlar guruhi Germaniyaning Frankfurt shahridan “Somon Air” aviakompaniyasi samolyotida Tojikistonga uchib ketgani haqida xabar bergandik.