Dunyoda eng murakkab o‘yin shaxmat emas, balki yaponlarning Go o‘yini hisoblanar ekan. Uning to‘liq nomlanishi «I-go». Koreyada baduk, Xitoyda veysi, deb ataladi. Mutahassislar Go Yer yuzasining eng qadimiy o‘yinlaridan bo‘lib, u 2500 – 4000 yil oldin paydo bo‘lganligini izohlashadi. Xitoy afsonalariga ko‘ra uni  eramizdan avvalgi XXIV asrda yashagan afsonaviy imperator Yao o‘z vorisining aql-zakovatini rivojlantirish maqsadida o‘ylab topgan ekan.  Biroq, tarixiy manbalar uning eramizdan avvalgi III – I asrlarga oidligini ko‘rsatadi.   

Ajablanarlisi, oradan necha asrlar o‘tsa hamki, Go o‘yin qoidalari o‘zgarmagan. Hammasi juda oddiy. O‘yin uchun 361 ta kvadrat hosil qiluvchi, gorizontaliga va vertikaliga kesishuvchi 19 ta chiziq o‘tkazilgan taxta qo‘llaniladi. Ikkita o‘yinchi navbati bilan kvadratlarni toshlar bilan to‘ldirishi kerak. Toshlar farq qilishi uchun bo‘yaladi. Masalan, oq va qoraga. O‘yinchi ko‘proq maydonni egallashi lozim. Buning uchun raqibning toshlarini har tarafdan o‘rab olish, yo‘qotish kerak bo‘ladi. Xuddi mana shu yerda barcha murakkabliklar boshlanadi. Shartlar oddiy bo‘lsa-da, shaxmat va shashkaga qaraganda ancha murakkab. 361 katak juda katta miqdorda variantlar paydo qiladiki, agar to‘rtinchi yurishdan keyin shaxmatda 100 000 variant hosil bo‘lsa, Goda 16 milliarddan oshadi. Agar “Sun’iy ong” shaxmatda eng zo‘r grossmeysterlarni yuta olsa, “Go”da buning imkoni hali yaratilmagan. 

Hozirgacha bu o‘yinda eng yaxshi dastur MoGoTitan hisoblanadi. Bu dastur 1 sekundda 15 trillion holatni ishlab chiqa oladi va bu o‘ta ishtiyoqmand havaskorning darajasi hisoblanadi.