Koreya universitetlariga kirish chet ellik yoshlar uchun juda oddiy va oson. Bundan tashqari, universitet ofislaridagi xodimlar abituriyent va chet ellik talabalarga barcha zarur yordamni berishadi.

Koreya universitetlariga kirish uchun ko‘p hollarda siz to‘g‘ridan-to‘g‘ri oliygohga hujjat topshirishingiz va barcha qo‘shimcha ma’lumotlarni topishingiz mumkin. Bunda siz ta’lim muassasasi veb-saytida onlayn ariza shaklini to‘ldirsangiz kifoya.

Yaxshiyamki, u yerdagi universitetlarda ingliz tilidagi dasturlar soni tez sur’atlar bilan o‘sib boryapti. Shuning uchun, koreys tilini bilmasangiz ham, unchalik qiyin bo‘lmaydi. Shunga qaramay, u yoqda o‘zingizni ishonchli his qilish uchun sizga avvalo til o‘rganishni maslahat beramiz. 

Koreyadagi aksariyat OTMlarga kirish uchun quyidagi hujjatlarni topshirish lozim:

- pasport nusxasi

- tavsiya xatlari

- kirish va chiqish immigratsion guvohnomasi

- kirish hujjatlari, shu jumladan motivatsion insho

- tanlangan o‘quv dasturiga qarab ingliz yoki koreys tillarini bilish darajasi.

Shuni yodda tutingki, u davlatda o‘qish uchun sizga bir necha oy davom etadigan talabalik vizasi kerak bo‘ladi.

Oliygohlarga hujjat topshirish muddati odatda yanvar yoki fevral oyida boshlanadi. Qabul natijalari esa, aprelda e‘lon qilinadi. Bir qator dasturlarga kirish uchun yozda ro‘yxatdan o‘tasiz. So‘ngra avgust oyida til bo‘yicha imtihon topshirasiz. Tanlagan universitetingizga kirishning aniq sanalari to‘g‘risida tegishli oliygohning rasmiy veb-saytidan bilib olishingiz mumkin.

Abituriyentlar diqqatiga!

Bir qarorga kelgan bo‘lsangiz, hujjat to‘plashni hoziroq boshlang. 

O‘zingiz tanlagan universitet mas’ullari bilan bog‘laning. Ular sizning savollaringizni e’tiborsiz qoldirmaydi.

Belgilangan muddatga rioya qiling. Yuqorida aytib o‘tganimizdek, belgilangan muddat ushbu davlatdagi ta’lim muassasalarida muhim rol o‘ynaydi.

Bir yo‘la bir nechta universitet imtihonlariga tayyorgarlik ko‘ring. Bu sizning tanlovingizni kengaytiradi, o‘qishga kirish imkoniyatingizni oshiradi.