18-aprel kuni Eron AQSh tomonidan davom ettirilayotgan dengiz blokadasi sababli Hormuz bo‘g‘ozi faoliyati yana cheklanganini ma’lum qildi.

Eronning “Xatam al-Anbiya” markaziy qo‘mondonligi rasmiy vakiliga ko‘ra, AQShning mintaqadagi dengiz harakatlari to‘xtatilmagani bois bo‘g‘oz ustidan nazorat yana kuchaytirilgan.

Eron avval erishilgan kelishuvlarga amal qilgan holda, Hormuz bo‘g‘ozi orqali cheklangan miqdordagi neft va savdo kemalarining o‘tishiga ruxsat bergan edi. Biroq AQSh blokada doirasidagi harakatlarini davom ettirgani vaziyatni keskinlashtirgan. Natijada strategik ahamiyatga ega bo‘lgan ushbu suv yo‘li Eron Qurolli kuchlari tomonidan qat’iy nazorat ostiga olingan.

Rasmiy bayonotda qayd etilishicha, AQSh Eron tomon yo‘l olgan va undan chiqayotgan kemalar uchun to‘liq erkin harakatni tiklamaguncha, mavjud tartib o‘zgarmaydi.

Eslatib o‘tamiz, bir kun avval Eron tashqi ishlar vaziri Abbos Aroqchi Hormuz bo‘g‘ozi tijorat kemalari uchun ochilganini bildirgan edi. Shundan so‘ng AQSh prezidenti Donald Tramp bu qarorni olqishlab chiqish qilgan. Biroq keyinchalik AQSh tomoni Eron portlariga nisbatan dengiz blokadasi davom etishini ma’lum qilgan.