Inkognito – bu yashirin degan ma’noni bildirib, o‘z ismini yashirgan holda, taxallus yoki o‘ylab topilgan ismdan foydalanish.

Inkognito rejimida sizning internet orqali izlagan va ko‘rgan ma’lumotlaringiz boshqa qurilmadagi foydalanuvchilarga ko‘rinmaydi. Chrome brauzer tarixidagi ma'lumotlarni saqlamaydi. Inkognito rejimidan chiqishda cookie-fayllar va sayt ma'lumotlari yo'q qilinadi.

Bu rejimning boshqalardan farqi nima?

•  Internet orqali ko‘rgan narsalaringiz tarixi o‘chib ketadi;
•  Qidiruvlaringiz tarixi saqlanmaydi;
•  Yangi parollar yozib olinmaydi;
•  Vaqtinchalik fayllar va saytlardagi ma’lumotlar saqlab qolinmaydi;

Inkognitoning bu va boshqa bir qancha qulayliklari mavjud. Ammo ushbu rejim ma’lumotlaringizni katta qismini himoya qila olmaydi. Google va Mozilla bu haqida ochiqdan-oydin ogohlantiradi. Chrome foydalanuvchilari ushbu rejimni ishga tushirayotganlarida bu haqida ma’lumotga ega bo‘lishadi. Apple va Microsoftning brauzerlari bu haqida ogohlantirib, foydalanuvchilarni bezovta qilishmaydi.

Chrome va Firefoxning ogohlantirishlariga qaramasdan, foydalanuvchilar xavfsizliklari yo‘lida ushbu rejimdan foydalanishmoqda. Olimlar Chrome, Firefox, Edge, Safari, Opera va Brave foydalanuvchilari orasida so‘rovnoma o‘tkazishdi. Mana natijalar:

•  56,3% foydalanuvchilar xavfsizlik rejimida qidiruvlari tarixi o‘chib ketishiga ishonishar ekan.

•  40,2% foydalanuvchilar inkognito rejimida saytlar ular turgan joyni aniqlay olmaydi, deb hisoblashadi.

•  37% insonlar internet-provayderlar, ish beruvchilar va hukumat ularni inkognito rejimida kuzata olmaydi deb o‘ylashadi.

•  27,1 % foydalanuvchilar inkognito rejimi viruslardan ximoya qiladi deb hisoblashadi.

Nega inkognito rejimi xavfsiz emas?

•  Agar inkognito rejimi siz tashrif buyurgan saytlarni brauzer tarixiga yozib qolmayotgan bo‘lsa ham, bu ma’lumotlarni sizning IP-manzilingiz orqali kuzatishlari ham mumkin. Bu holda siz qaysi saytlarga kirayotganingizni sizning internet-provayderingiz, ish joyingizdagi mahalliy tarmoq administratori, Wi-Fi-hududning egasi yoki har qanday IP-manzilingizni kuzatayotgan inson bilib olishi mumkin.

•  Agar brauzerlar orqali Facebook, Twitter va boshqa ijtimoiy tarmoqlarga kirsangiz, qidiruv so‘rovlaridan tashqari ushbu ijtimoiy tarmoqlarda ko‘rilgan har bir sahifa saqlanib qolinadi.

Brauzerning aniqlash (идентификация) tizmi qanday ishlaydi?

Googlening faol foydalanuvchilarini aniqlashning o‘z uslublari bor. Qidiruv tizimlari buni “brauzer barmoq izi” deyishadi. Agar siz ro‘yxatdan o‘tmagan bo‘lsangiz va hatto cookies fayllarini ishlatmasangiz ham, quyidagi ma’lumotlar orqali saytlar baribir sizning brauzeringizni aniqlab olishadi:

•  Brauzer sarlavhalari orqali (User Agent, HTTP, ACCEPT, Do Not Track);
•  Ekran parametrlari orqali;
•  Brauzerga o‘rnatilgan kengaytmalar orqali;
•  Operatsion tizimining vaqti;
•  Tizim tili yordamida;
•  Shriftlaringiz sozlanmasi va hajmi orqali.

Agar siz qo‘llayotgan brauzer qay darajada himoyalanganini bilmoqchi bo‘lsangiz, buni Panopticlick sayti orqali tekshirishingiz mumkin.

Haqiqiy maxfiylikni nima ta’minlaydi?

Qidiruv tizimidagi targetlashgan reklama uchun mo‘ljallangan ushbu ayyorliklar oddiy foydalanuvchilar uchun ham asqatishi mumkin.

VPN

Virtual xususiy tarmoq sizning IP-manzilingizni yashiradi va uni o‘rniga o‘chib ketgan VPN-serverni ko‘rsatadi. Shunday qilib, reklama platformalarida IP-manzilingizni brauzeringiz bilan bog'lash yanada qiyinlashadi.

Tor

Ushbu anonim tarmoq sizni belgilangan serverga ulashdan oldin trafikingizni bir nechta tasodifiy xostlar orqali o'tkazadi. Tezligi bilan sizni hayron qoldira olmasligi mumkin, ammo bu brauzerda xavfsizlik choralari yuqori.

Ghostery

Reklama platformalarida brauzerlarni aniqlashni qiyinlashtiradigan bir nechta kengaytmalar mavjud. Ulardan biri – Ghostery. U sahifalardagi kuzatuv trekerlarini ortiqcha trafik sarflamasdan o‘chirib tashlaydi.