Кечиктирилган ҳар бир кун учун пеня ҳисобланади: жисмоний шахсларга — 0,1 фоиз, юридик шахсларга — 0,4 фоиз. квартира тўлови фақат банк кассалари ёки карта орқали тўланади.

1 июлдан бошлаб турар жой мулкдори кўп квартирали уйнинг банк ҳисобварағига мажбурий тўловларни (квартплата) ойнинг 15-санасига қадар амалга оширмаса, унинг электр энергияси учун тўловларини қабул қилиш қарздорлик тўлиқ қоплангунга қадар тўхтатиб қўйилади. Бу ҳақда президентнинг 5 февралдаги кўп квартирали уйларни бошқариш тизимини такомиллаштиришга оид қарорида сўз боради.

Кўп квартирали уйнинг банк ҳисобварағидаги маблағлар ҳар ойда, биринчи навбатда, уйнинг электр энергияси учун тўловларни қоплашга йўналтирилади.

Бундан ташқари, янги тартиб жорий этилмоқда: мулкдор томонидан мажбурий тўловлар кечиктирилган ҳар бир кун учун тўлов суммасидан пеня (жарима) ҳисобланади:

Юридик шахслар учун — 0,4 фоиз;

Жисмоний шахслар учун — 0,1 фоиз.

Бунда пеня миқдори ҳар бир ой учун кечиктирилган тўлов суммасининг 50 фоизидан ошиб кетмаслиги керак.

Ҳисобланган пеня маблағлари тенг улушларда кўп квартирали уйнинг банк ҳисобварағига ҳамда “Менинг уйим” тизимини сақлаш харажатларини қоплашга йўналтирилади.

• Электр энергияси