Садыр Жапаров Қирғизистонда қишлоқ номларини ўзгартириш ташаббусини илгари сурди. Унга кўра, мамлакатдаги рус тилидаги аҳоли пунктлари номлари қирғиз тилига алмаштирилади. Жараён 2027 йилгача якунланиши режалаштирилган.

Президент ташаббусига кўра, Қирғизистон ҳудудидаги кўплаб қишлоқ номлари босқичма-босқич ўзгартирилади. Бу ўзгаришлар давлат тилининг мавқеини мустаҳкамлаш ва тарихий номларни тиклаш сиёсати доирасида амалга оширилади.

Шунингдек, янги тартибга кўра, аҳоли пунктларига шахслар номини бериш тақиқланади. Президент бу қарорни тарихий шахслар номини жой номи орқали эмас, балки улар тарихдаги ўрни билан хотирланиши кераклиги билан изоҳлади.

“Масалан, Олимбек додхонинг номи аллақачон тарихга муҳрланган. Қишлоқ унинг номи билан аталганидан у тезроқ ривожланиб қолмайди”, — деди Жапаров.

Мазкур ислоҳотлар натижасида айрим ҳудудлар номи ўзгаради. Бу эса расмий ҳужжатлар ва хариталарда янгиланишларни талаб қилиши мумкин.

• Мактаб