Россияда Telegram мессенжерининг ишлашида блокировкага хос белгилар кучайгани қайд этилмоқда. OONI халқаро тадқиқот лойиҳаси маълумотига кўра, 10 апрель куни эрталаб блокировка аномалиялари даражаси 95 фоизга етган.

Бу кўрсаткич сўнгги чекловлар бошланганидан бери энг юқори даража бўлиб, Telegram бошқа мессенжерларга нисбатан кўпроқ чекловларга учраётгани айтилмоқда. Сигнал ва WҳатсАппъда эса бу кўрсаткич 89 фоиз атрофида бўлган.

10 апрель тонгида фойдаланувчилардан Telegram ишламаётгани, хабарлар юборилмаслиги ва илова юкланмаётгани ҳақида кўплаб шикоятлар келиб тушган.

Россия расмий идоралари ушбу ҳолат юзасидан ҳозирча изоҳ бермаган.

Аввалроқ Россияда Telegram тезлигини секинлаштириш ва айрим функцияларни чеклаш чоралари бошланган, апрель ойидан эса тўлиқ блоклаш эҳтимоли ҳақида ҳам хабарлар тарқалган эди.

• Телеграм