Ўзбекистон Республикаси Мактабгача ва мактаб таълими вазири Эъзоза Каримова педагогларни болаларга нисбатан ҳурмат ва эҳтиёткор муносабатда бўлишга чақирди.

Вазирнинг Telegram каналида эълон қилинган мурожаатида таъкидланишича, таълим тизимидаги ҳар бир ходим зиммасига катта масъулият юкланган бўлиб, болаларнинг руҳий ҳолати ва тарбиясига бевосита таъсир кўрсатади.

У педагоглардан касбий этика, ички тартиб-қоидалар ва қонунчилик талабларига қатъий амал қилишни талаб этиб, ҳар қандай лоқайдликка йўл қўйилмаслигини қайд этди.

Мурожаат сўнгги кунларда боғчаларда тарбиячилар иштирокида кузатилган салбий ҳолатлар ортидан эълон қилинган.

• Maktabgacha va maktab ta'limi vazirligi