Тадқиқотда айтилишича, 2050 йилгача Осиёда узоқни кўра олмайдиганлар 69 фоизга, ривожланаётган давлатларда эса 40 фоизга етиши мумкин.

Британиянинг Офтальмология журналида тадқиқот чоп этилган. Унга кўра, дунёдаги болалар ва ўсмирларнинг учдан бири миопиядан азият чекмоқда. Миопия бу – узоқни кўра олмаслик касаллигидир. Статистикага кўра, 2020 йилда қарийб 2,6 миллиард киши миопиядан қийналган. 2030 йилгача бу кўрсаткич 3,4 миллиардга етиши тахмин қилинмоқда.

Дастлаб узоқни кўра олмаслик жиддий муаммо бўлиб кўринмайди ва уни линза ёки кўзойнаклар билан тузатиш мумкин. Лекин миопия кўришнинг бузилишига ва кўрликка олиб бориши мумкин. Ҳозирги трендлар миопиянинг даражаси ўсиб бораётганини кўрсатади ва бу “юқори миопия” деб номланади. Бунда миопия ривожланиб, катаракта, глаукома даражасигача боради.

Миопия болаларда эртароқ бошланяпти ва юқори миопия билан боғлиқ муаммоларнинг пайдо бўлишига олиб келяпти. Тадқиқотда 1990 йилдан 2023 йилгача болаларда миопия 3 баробар ортганини кўрсатади ва ўсиш асосан пандемиядан кейин юқорироқ бўлган. Бу жамиятлар учун қимматга тушяпти. Миопия ҳар йили 200 миллиард долларлик халқаро маҳсулдорликнинг йўқолишига сабаб бўляпти. Агар касаллик даволанмаса, болаларнинг ҳаёт сифатига салбий таъсир қилади ва академик ўзлаштиришини пастга туширади.

• Жаҳон
• Касаллик
• қизиқарли
• саломатлик
• тадқиқот