АПЛнинг 18 турида “Манчестер Сити” “Эвертон” билан тўқнаш келди ва дуранг қайд этди. “Этиҳад”да ўтган баҳсдан кейин “шаҳарликлар” ва “Арсенал” ўртасида 7 очколик фарқ юзага келди.

Учрашувдан сўнг “Ман. Сити” бош мураббийи Пеп Гвардиола ўз фикрлари билан ўртоқлашди. Испаниялик мутахассис мазкур баҳсни ажойиб ўтганини таъкидлади.

“Ажойиб ўйин. Биз сўнгги учта ўйинда яхши ўйнадик ва шунинг учун мен яхши кайфиятдаман. Албатта, уйга очко йўқотиш ёқимли эмас. Рақиб ақл бовар қилмайдиган гол ура олди, бунинг учун уларни табриклайман, аммо биз кучлироқ ўйнадик”, – деди Гвадиола.

“Манчестер Сити” кейинги турда “Челси” меҳмони бўлади. Учрашув 6 январь куни бўлиб ўтади.

• АПЛ
• Челси
• Гвардиола
• Manchester Siti