31 июл куни АҚШнинг махсус амалиёти пайтида, “Ал-Қоида” халқаро террорчилик ташкилоти етакчиси Қобулда ўлдирилди.

Айман аз-Завоҳирий 2011 йил Усома бин Лодин ўлимидан сўнг халқаро террорчи гуруҳга раҳбарлик қилиб келган. АҚШ уни учувчисиз қурилма ёрдамида ўлдирилганини маълум қилди.

Жозеф Байден ҳодиса бўйича баёнотида амалиётнинг ҳар томонлама муваффақиятли ўтганини таъкидлаган. Шунингдек, АҚШ президенти Афғонистонни террор ўчоғига айланмаслиги учун барча нарсани амалга оширишга ваъда берган.

Давлат котиби Энтони Блинкен “Толибон” ҳаракатини Доҳа келишувларини бажармасликда айблади. Унинг сўзларига кўра, толиблар Афғонистонга халқаро террорчиларни киритмаслик ва уларни асрамаслик мажбуриятини олган эди.
“Энди адолат ўрнатилди ва террорчиларнинг етакчиси йўқ”, дейди Байден.

Мисрлик Аз-Завоҳирий АҚШ разведка идоралари томонидан энг фаол қидирилаётган террорчилар рўйхатида бўлган ва Вашингтон унинг қаерда эканлиги ҳақидаги маълумот учун 25 миллион долларгача пул мукофоти таклиф қилган эди.

• АҚШ
• Толиблар