31 август куни Ўзбекистон Республикаси Президенти Шавкат Мирзиёев рафиқаси билан бирга Тянсзин шаҳридаги “Мейсзян” конгресс марказида Шанхай ҳамкорлик ташкилоти саммитининг норасмий тадбирларида иштирок этди.

Тадбирларда Хитой Халқ Республикаси Раиси Си Сзинпин, Россия Федерацияси Президенти Владимир Путин, Беларус Республикаси Президенти Александр Лукашенко, Ҳиндистон Республикаси Бош вазири Нарендра Моди, Покистон Ислом Республикаси Бош вазири Шаҳбоз Шариф, Эрон Ислом Республикаси Президенти Масъуд Пезешкиян, Қозоғистон Республикаси Президенти Қосим-Жомарт Тоқаев, Қирғиз Республикаси Президенти Садир Жапаров, Тожикистон Республикаси Президенти Имомали Раҳмон, Туркия Республикаси Президенти Ражеб Тоййип Эрдоғон, Туркманистон Президенти Сердар Бердимуҳамедов, Озарбайжон Республикаси Президенти Илҳом Алиев, Мўғулистон Президенти Ухнаагийн Хурелсух, Миср, Камбоджа, Непал, Арманистон ҳукуматлари раҳбарлари ҳамда Бирлашган Миллатлар Ташкилоти Бош котиби Антонио Гутерриш ҳам қатнашди.

Шавкат Мирзиёев ва рафиқасини Хитой Раиси Си Сзинпин ва рафиқаси самимий кутиб олди.

Шундан сўнг хорижий етакчиларга Шанхай ҳамкорлик ташкилотининг Тянсзин саммитига бағишланган концерт дастури намойиш этилди.

• ШҲТ
• Шавкат Мирзиёев
• Si Szinpin
• Хитой