BBC хабар берилишича, АҚШнинг иммиграция ва божхона хизмати (ИCЕ) ходими Миннеаполисда ўтказилган рейд вақтида 37 ёшли АҚШ фуқароси бўлган аёлни отиб ўлдирган.

АҚШ Ички хавфсизлик вазирлиги аёл ICE агентларини машина билан босиб кетишга уринганини, шу сабабли ходимлардан бири уни “ўзини ҳимоя қилиш мақсадида” отганини билдиради. Президент Доналд Трамп ҳам ушбу версияни қўллаб-қувватлаган.

CNN бош таҳлилчиси Жон Миллер эса ҳалок бўлган аёлнинг автомобили ғилдираклари офицерлардан четга бурилган ҳолатда бўлганини таъкидлаб, бу расмийларнинг баёнотига зид эканини айтди.

НЙТънинг ёзишича, ушбу ҳодисадан кейин Миннеаполисда мингдан ортиқ одам иштирокида норозилик намойишлари бошланган. Бундан ташқари, Ню-Ёркда тахминан 400 киши ICE офиси олдида норозилик билдирмоқда.

Миннеаполис мери матбуот анжуманида бу ҳолатни “масъулиятсизлик” деб атаб, ICE ни шаҳардан чиқиб кетишга чақирган.

Associated Press агентлигининг таъкидлашича, бу Трамп маъмуриятининг иммиграция кампанияси оқибатида одамлар ҳалок бўлган камида бешинчи ҳолатдир.

• АҚШ
• Баёнот
• Миграция
• Трамп