Англия чемпионатининг 17 турининг якуний ўйинида “Манчестер Сити” “Лидс” юнайтедга қарши баҳсда 3-1 ҳисобида ғалаба қозонди. Ўйинда “шаҳарликлар” ҳужумчиси Эрлинг Ҳоланд дубл қайд этди. Турнир тўпурари мазкур баҳсдан кейин ўз фикрларини билдириб ўтди.

“Менинг бутум мавсум учун гол уриш мақсадим бор, аммо буни ҳозирча айтмайман. Айтишим мумкинки, бугунги ўйиндан кейин кийим алмаштириш хонасида 5 та гол уришим мумкинлиги ҳақида айтишди. Аммо, энг муҳими бу жамоавий ғалаба. Биз “Арсенал”ни таъқиб қиляпмиз. Бошқалар жаҳон чемпионатида ўйнаётганда мен қайта қувватландим. Қатарда бошқаларнинг гол уриши ва порлашини томоаш қилиш мени ғазаблантирди. Мен очман!”– дейди Ҳоланд.

Айни пайтда Эрлингни ҳисобида 14 ўйиндан сўнг 20 та гол мавжуд ва бу рекорд ҳисобланади. У 20 гол уриш учун энг кам ўйин сарфлаган АПЛнинг энг яхши футболчиси.

• АПЛ
• Эрлинг Ҳоланд
• Manchester Siti