ОФК Чемпионлар Лигаси финал баҳсида Саудия Арабистонининг “Ал-Аҳли” ва Япониянинг “Кавасаки Фронтале” жамоалари баҳслашишди. Ҳал учрашув Жиддадаги “Кинг Абдулла Спорт” стадионида бўлиб ўтди. Ўйинда Фирмино бошчилигидаги Саудиянинг “Ал-Аҳли”си ишончли 2:0 ҳисобида ғалаба эришди.

Ҳисоб учрашувнинг 35-дақиқасида бразилиялик Вендерсон Галено томонида киритилган супергол орқали очилди. Орадан 7 дақиқа ўтиб, “Ал-Аҳли” яримҳимоячиси Френк Кессиэ бурчакдан узатилган тўпни боши билан дарвозага жойлаб қўйди. Ҳисоб 2:0 кўринишига келди. Голларнинг иккаласига ҳам собиқ “Ливерпул” ҳужумчиси Роберто Фирмино ассистентлик қилди.

Маълумот учун, мусобақанинг ярим финалида “Кавасаки Фронтале” Криштиану Роналду бошчилигидаги “Ан-Наср”ни 3:2 ҳисобида мағлубиятга учратган бўлса, “Ал-Аҳли” эса “Ал-Ҳилол”ни 3:1 ҳисобида таслим қилган эди.

Шунингдек, мусобақа якунларига кўра, турнирнинг энг яхши ўйинчилари аниқланди:

— Энг яхши дарвозабон — Эдуард Менди (“Ал Аҳли”, Саудия Арабистони);

— Энг яхши тўпурар — Салим Ал Довсари (“Ал Ҳилол”, Саудия Арабистони);

— Энг яхши ўйинчи — Роберто Фирмино (“Ал Аҳли”, Саудия Арабистони).

• финал
• Футбол
• ОЧЛ