ПСЖ жорий мавсум аввалини ижобий бошлаган бўлмаса-да аммо мавсумнинг кейинги ва асосий қисмини кўтарингки руҳда давом эттирмоқда. Мисол учун, жамоа Лига1 да муддатидан аввал чемпионликни ҳал қилди. Шунингдек, парижликлар Франция кубогида ҳам ўз юришларини давом эттиришмоқда улар бу мусобақада ярим финалгача етиб келишган ва асосий фаворит ҳисобланишади. Навбатда эса Еврокубок турибди. Футбол жамоатчилиги мухлис-у мутахассисларнинг таҳлилий ёндашувларига кўра, ушбу баҳсда бир бош устун жамоа йўқ. Яъни, тенгма-тенг ва жанговар ўйин кутиб турибди бизни.

“Тўпчилар” чорак финалда ЕЧЛнинг рамзий “қироли” бўлмиш “Реал Мадрид”ни мусобақадан чиқариб юборгандан сўнг улар ҳам ҳазиллашмаётганликларини исботлаб қўйишди. Микел Артета бошқарувидаги жамоа АПЛда 2-ўрин билан кифояланди. Сабаби “Ливерпул” аллақачон чемпионликни расмийлаштиришга улгурган. Бундан англашиладики, Лондон жамоаси учун мавсумни титул билан якунлаши мумкин бўлган битта “фронт” қолди у ҳам бўлса ЕЧЛ. Шундай қилиб, бугун Еврофутбол мухлислари дастлабки баҳс бўлишига қарамасдан шиддатли ва тезкор учрашув гувоҳига айланишлари кутилмоқда.

Маълумот учун, жамоалар ушбу мавсум ЕЧЛнинг гуруҳ босқичида ҳам тўқнаш келишган ва унда “Арсенал” 2:0 ҳисобида ғалаба қозонган эди.

“Арсенал” – ПСЖ учрашуви Тошкент вақти билан 30 апрелга ўтар кечаси 23:59 да “Emirates Stadium” ўйингоҳида старт олади.

Тайёрлади: Азимжон Шодмонов

• Арсенал
• Футбол
• PSJ
• ЕЧЛ