31°
Кечаси 18°
Маълумотларга кўра, Британия ташқи ишлар вазири Девид Кемерон Тожикистон, Қирғизистон, Ўзбекистон, Туркманистон, Қозоғистон ва Мўғулистонга сафар қилади. Бу ҳақда “Independent” хабар берди.
Ташрифларда Британия билан савдо, хавфсизлик ва атроф-муҳит бўйича алоқаларни кенгайтириш мақсадида музокаралар ўтказилади.
“У Марказий Осиё энг катта муаммоларнинг марказида эканидан огоҳлантириб, унинг ъқийинчилик билан эришилган суверенитетиниъ қўллаб-қувватлашга қаратилган қатор чора-тадбирларни эълон қилади”, — деб ёзмоқда “Independent” нашри.
22 апрель куни Британия дипломати Душанбеда Тожикистон президенти Эмомали Раҳмон билан учрашган ва бизнес, иқлим ўзгариши, терроризмга қарши кураш каби муҳим соҳаларда ҳамкорлик қилиш учун “кўпроқ нарса қилишимиз мумкин”лигини айтган.
“Мамлакатингизга ташриф буюрган биринчи ташқи ишлар котиби эканимдан хурсандман. Бу жуда узоқ вақт талаб қилганидан афсусдаман. Биз Буюк Британия ва Марказий Осиёнинг барча республикалари ўртасидаги муносабатларда Тожикистондан бошлаб янги давр бошланганига ишора қилмоқчимиз. Умуман олганда, биз ҳамкорликни кенгайтирайлик, биргаликда кўпроқ нарсаларни қилайлик, дейиш учун келдик”, — деган Кемерон президент Раҳмонга.
Кемерон минтақа бўйлаб етакчилар билан музокаралар чоғида “санкциялардан қочиш, инсон ҳуқуқлари ва ислоҳотлар бўйича муҳокамаларни олға силжитишга” интилади, деди Ташқи ишлар вазирлиги.
Кемерон Британия университетларида чет элликларнинг ўқишини қўллаб-қувватловчи Чевенинг стипендиялари учун маблағ миқдорини икки баравар оширади ва келгуси уч йил давомида минтақа бўйлаб ривожланиш учун 50 миллион фунт стерлинг ажратилишини эълон қилади.
Вазир, шунингдек, бир қатор муҳим объектлар, жумладан, ёқилғи учун Россияга қарам бўлган Тожикистондаги Нурек тўғонидаги ГЭС лойиҳаси ва Қирғизистондаги каналларни суғориш майдончаси билан танишади.
“Биз рақобатбардош дунёда яшаяпмиз. Агар Британия манфаатларини ҳимоя қилмоқчи ва илгари сурмоқчи бўлсангиз, рақобатлашишингиз керак. Марказий Осиё биз дуч келаётган энг катта муаммоларнинг марказида жойлашган. Бу Буюк Британия ҳамда минтақа учун унинг келажакдаги фаровонлигини оширишда жуда муҳим”, — деган саёҳат олдидан Лорд Кемерон.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
