BTS гуруҳининг тарқалгани ҳақидаги хабардан сўнг брендга эгалик қилувчи "Hybe" мусиқа агентлигининг акциялари нархи 28 фоизга тушиб кетди. Бу компания тарихидаги энг катта йўқотиш бўлиб, зарар қиймати $1,7 миллиард АҚШ долларига баҳоланган.

Қимматли қоғозлар нархи гуруҳ ижодкорларининг ўзаро ҳамкорликни тугатишлари ва яккахон сифатида иш бошлашлари ҳақидаги хабар эълон қилинганидан кейин кескин тушиб кетган. Гуруҳнинг келгусидаги концертлари билан боғлиқ ноаниқлик туфайли агентлик йиллик даромадининг тўртдан бир қисмидан айрилиши мумкин.

BTS – 1963 йилдан бери илк марта "Billboard Hot 100" чартининг барча жанрлар бўйича биринчи ўрнига чиқиб олишни уддалаган осиёлик илк гуруҳ ҳисобланади.

BTS гуруҳининг умумий бойлиги (гуруҳ йигитларининг алоҳида топадиган даромадларидан ташқари) 100 миллион АҚШ долларини ташкил қилади. 2018 йилда "Hyundai" тадқиқотлар институти гуруҳ Жанубий Кореяга ҳар йили 3,54 миллиард АҚШ доллари миқдорида фойда келтираётганини ҳисоблаб чиққан.

• Шоу-бизнес
• машҳурлар