Исроил Ғазо секторига маълум турдаги гуманитар ёрдамларнинг етиб боришини атайлаб тўсиб қўймоқда. Бу ҳақда 20 дан ортиқ расмий ва гуманитар ташкилотлар вакилларига таяниб СNN хабар берди.

Телеканал суҳбатдошларига кўра, анклавга гуманитар ёрдам етказилиши Фаластин билан фуқаролик масалаларини мувофиқлаштирувчи Исроил Мудофаа вазирлиги COGAT бўлими томонидан чекланган. 2008 йилда бўлим Фаластинга олиб кириш тақиқланган товарлар рўйхатини тузган.

Манбаларнинг таъкидлашича, 14 февраль куни COGAT уйқу сумкаларини олиб кетаётган юк машинасига рухсат бермаган, чунки улар яшил рангга эга ва ҳарбий мақсадларда фойдаланиш мумкин эди.

СNN шунингдек, Ғазо секторига олиб кириш кўпинча тақиқланган товарлар рўйхатини ҳам қўлга киритди. Улар орасида анестезия аппаратлари, қўлтиқ таёқчалари, генераторлар, вентиляторлар, рентген аппаратлари ва кислород баллонлари бор.

Канал суҳбатдошлари импорти тақиқланган товарлар рўйхати эскирган деб ҳисоблайди ва етказиб берувчиларни унга ишонмасликка чақиради. Шу билан бирга, манбалардан бирига кўра, февраль ойида COGAT анклавга инсулин қаламларини олиб киришга рухсат берган.

• Фаластин
• Гуманитар ёрдам
• Isroil