Ҳиндистоннинг Марион Биотеч компанияси томонидан ишлаб чиқарилган “Док-1 Макс” сиропини ичиш оқибатида вафот этган болаларнинг ўлими сабаби тасдиқланса, уларнинг оилаларига компенсация тўлаб берилиши мумкин. Бу ҳақда Халқари пресс-клубнинг навбатдаги сессиясида соғлиқни сақлаш вазири ўринбосари Элмира Боситхонова маълум қилди.

Унинг сўзларига кўра, ҳозирда ҳар бир ўлим ҳолати бўйича тергов олиб борилиб (расман 20 нафар боланинг ўлими ҳақида маълум қилинган), улар ичган дори воситалари аниқланмоқда.

“Агар ушбу маълумотлар ҳужжат билан тасдиқлансагина, компенсация тўлаш бўйича юридик жараёнлар бошланиши мумкин. Агарда компенсациянинг барча суммаси тасдиқланса, улар гап-сўзсиз тўлаб берилади”, — дейди у.

Элмира Боситхонованинг қўшимча қилишича, одамлар ушбу дори воситасига шу қадар ишонганки, шифокорга маслаҳат сўраб мурожаат қилмасдан, уни ўзлари сотиб олган.

• Dok-1 Maks
• Компенсация