Давлат тест маркази олий таълим муассасаларининг бакалавриат таълим йўналишларига кириш тест синовларидан норози абитуриентлардан  аппеляция аризаларини қабул қилиш бошланганини маълум қилди.

Хабарга кўра, аризалар my.dtm.uz сайти орқали (абитуриентнинг шахсий кабинетида) онлайн тарзда қабул қилинмоқда ва жорий йилнинг 6 сентябрига қадар (10 кун) давом этади. Абитуриент аппеляция шикояти бериши учун тест синовида иштирок этган ва тест синовидан четлатилмаган бўлиши лозим.

Шунингдек, аппеляция аризасини берган абитуриентга уни кўриб чиқиш санаси ва вақти кўрсатилган хабарнома берилади. Абитуриент хабарномада белгиланган вақтда шахсини тасдиқловчи ҳужжат, хабарнома ва абитуриент рухсатномаси билан Давлат тест марказига келиши керак.

Аппеляция шикоятларини кўриб чиқиш эса 2022 йил 7 сентябрдан бошланади.

• Апелляц ия
• DTM