Ғарбий Африка давлатлари иқтисодий ҳамжамияти (ECOWAS) кучларининг Нигердаги вазиятга ҳарбий аралашуви бошланишининг аниқ санаси белгиланди, бироқ бу ҳақда ҳозирча жамоатчиликга эълон қилинмайди.

Бу ҳақда ҳамжамиятнинг тинчлик ва хавфсизлик бўйича комиссари Абдел Фатау Мусаҳ Гана пойтахти Аккра шаҳрида бўлиб ўтган Ҳамжамият давлатлари қуролли кучлари бош штаблари бошлиқларининг йиғилиши якунлари бўйича маълум қилди.

“Ҳарбий ечим бизнинг афзал кўрган вариантимиз эмас, лекин Нигердаги ҳарбий хунтанинг муросасизлиги бизни бу йўлдан фойдаланишга мажбур қилади. Нигерда содир бўлаётган воқеалар минтақадаги бир қатор тўнтаришларнинг бир қисмидир ва биз уларга чек қўйишга ҳаракат қиляпмиз”, – деди Муса.

Унга кўра, ECOWAS кучларининг Нигердаги вазиятга аралашуви қисқа муддатли бўлади ва бу мамлакатда конституциявий тартибни тиклашга қаратилган.

• ECOWAS
• Нигер