Андижон вилоятининг Асака туманида 16-ноябрь куни темирйўл кесишмасида Дамас автомобилини поезд уриб юборди. Ҳодиса оқибатида ҳар икки транспорт воситасига моддий зарар етган, тан жароҳати олганлар йўқ. Бу ҳақда вилоят Йўл ҳаракати хавфсизлиги бошқармаси хабар берди.
Маълум қилинишича, йўл-транспорт ҳодисаси соат 08:20 ларда “Тоштепа” МФЙ ҳудудидан ўтувчи Тоштепа кўчасидаги темирйўл кесишмасида содир бўлган. 1995-йилда туғилган В.Ж. бошқарувидаги Дамас ҳайдовчиси темирйўл кесишмасидаги йўл белгиси талабларига риоя қилмаган.
Оқибатда автомобилни “КМЕ 3-4700” русумли поезд уриб юборган. Ҳодиса вақтида туманли об-ҳаво кузатилган. Ҳозирда ҳолат юзасидан суриштирув ишлари олиб борилмоқда.
Андижон вилояти ЙҲХБ ҳайдовчиларни темирйўл кесишмаларидан ўтишда йўл белгилари, светофор ишоралари ва ҳаракат хавфсизлиги талабларига қатъий риоя қилишга чақирди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!