“Исроил масаласи ҳал қилинмагунча, бизнинг минтақамизда ҳам, бутун дунёда ҳам мустаҳкам тинчлик ва тўлиқ халқаро ҳуқуқ ва тартиб бўлиши мумкин эмас” – деган Туркия президенти.

Бу ҳақда Туркия президенти Ражаб Тоййиб Эрдўған Ўзбекистондан қайтишда журналистлар билан суҳбатда маълум қилган.

Туркия раҳбари Ғарбга Ғазода сулҳ тузиш учун Исроилга босим ўтказишга чақирган.

“Агар сиз Ғазода ўт очишни тўхтатиш тўғрисида самимий бўлсангиз, БМТ қарорини бажариш учун Исроилга босим ўтказинг” – деган Эрдўған.

Президентнинг таъкидлашича, Риёд саммитидан сўнг Туркия телефон дипломатиясига эътибор қаратишда давом этади. “Биз БМТда ҳуқуқ ва адолат ҳимоячилари сонини кўпайтириш бўйича ишларни бошлаймиз” – дея қўшимча қилган президент.

Унинг сўзларига кўра, Туркия барча халқаро платформаларни фаоллаштиришга ҳаракат қилмоқда.

“Биз сулҳни таъминлаш учун дипломатик имкониятларидан тўлиқ фойдаланмоқдамиз” – деган турк раҳбари.

Эрдўған Туркиянинг мақсади Ғазо аҳолисига тиббий ёрдам кўрсатилиши мумкин бўлган жойларга киришни таъминлаш эканлигини таъкидлади.

“Туркия Ғазодаги қон кетаётган ярани тўхтатиш учун ҳаракат қилмоқда. “Агар АҚШ ҳам ушбу ёндашувни баҳам кўришни бошласа, Исроилни тўхтатиш анча осонлашади” – деган президент.

• АҚШ
• Эрдоған
• Фаластин
• Isroil
• Туркия
• Уруш