Эрон Исроилнинг Моссад разведка хизмати фойдасига жосуслик қилганликда айбланган эркакни қатл этди. Бу ҳақда Iran International хабар бермоқда.

Ушбу шахс 2025 йилнинг апрель ойида ҳибсга олинган бўлиб, Исроил фойдасига жосуслик қилганликда айбланган. У Исроилга Эроннинг ракета объектларида диверсиялар уюштиришга ёрдам бериши мумкин бўлган ускуналарни харид қилганликда гумон қилинган. Тергов маълумотларига кўра, у портловчи моддалар ўрнатилган автомобилларда ҳаракатланган.

Эрон узоқ вақтдан буён Исроилни ядро объектларига қарши диверсиялар уюштиришда ва эронлик олимларни ўлдиришда айблаб келади.

Ўтган йилнинг декабрь ойида Эронда иқтисодий вазият сабаб йирик намойишлар бошланганди. Эрон расмийлари ушбу норозиликларни АҚШ ва Исроил билан боғлаганди. Намойишлар қатъий бостирилган фонида АҚШ Президенти Доналд Трамп Эронга йирик ҳарбий зарба бериш ва давлат яқинига қўшин жойлаштириш билан таҳдид қилган. 16 январь куни Трамп бундай режадан воз кечганини ва бунга 800 нафар маҳкумнинг қатл этилиши бекор қилингани сабаб бўлганини айтган эди.

2025 йил июнда Эрон расмийлари жосусликда айбланган уч кишини қатл этган, улар диверсия учун мўлжалланган ускуналарни спиртли ичимликлар кўринишида олиб киришга уринганликда айбланганди.

Маълумот учун, Эронда 2025 йил камида 1500 (47 фоизи гиёҳванд моддалар билан боғлиқ жиноятлар учун) киши қатл этган.

• Eron
• Isroil