Европа Чемпионлар Лигаси гуруҳ босқичи 8-туридан ўрин олган барча учрашувлар якунланди:

“Арсенал” ўз майдонида “Қайрат”ни қабул қилиб, 3:1 ҳисобида ғалаба қозонди. Учрашувдаги ҳисоб 3-дақиқада “тўпчилар” ҳужумчиси Виктор Гёкереш томонидан очилган бўлса, 7-дақиқада олмаоталиклар пенальтидан ҳисобни тенглаштирди. 16-дақиқага келиб, “Арсенал” яна ҳисобда олдинга чиқиб олди. Бен Уайтнинг узатмасидан кейин Кай Ҳавертс “Қайрат” дарвозасига жамоасининг иккинчи голини киритди. 

38-дақиқада орадаги фарқ йириклашди. Габриел Мартинелли томонидан киритилган гол эвазига “Арсенал” 3:1 ҳисобида олдинга чиқиб олди. Ўйин якунига яқин “Қайрат” ҳисобни қисқартирди. Аммо Рикардинё томонидан киритилган гол олмаоталикларга очко тақдим этмади.  Натижада Микел Артета бошчилигидаги “Арсенал” 8-турда навбатдаги ғалабани қўлга киритди. 

Турнинг марказий баҳсида Португалиянинг “Бенфика”си “Реал Мадрид”ни қабул қилиб, 4:2 ҳисобида ғалаба қозонди. 

Ўйиндаги ҳисоб 30-дақиқада Килиан Мбаппе томонидан очилди. Орадан 6 дақиқа ўтиб, таблодаги натижа тенглашди. Норвегиялик ҳужумчи Андреас “қироллик клуби” дарвозасини ишғол қилиб, мувозанатни тиклади. Тайм якунига яқин лиссабонликлар ҳисобда олдинга чиқиб олди. Гол муаллифи — Вангелис Павлидис. 

Иккинчи бўлимнинг 54-дақиқасида “Бенфика” “Реал” дарвозасини учинчи марта ишғол қилди. Андреас ўзининг дублини расмийлаштириб, таблидаги натижани 3:1 кўринишига келтирди. Бироқ орадан 4 дақиқа ўтиб, Килиан Мбаппе ҳисобни биттага қисқартирди. Аммо 90+8-дақиқада португаллар дарвозабони Анатоли Трубин “Бенфика”нинг 4-голини киритиб, жамоасига муҳим ғалабани тақдим этди.

“Барселона” ўз майдонида Даниянинг “Копенгаген” клубини қабул қилиб, 3:1 ҳисобида ғалаба қозонди. Учрашувда тезкор гол киритилди. 4-дақиқада Виктор Дадасон гол уриб, данияликларни ҳисобда олдинга олиб чиқди. Иккинчи бўлим бошида Ҳанси Флик бошчилигидаги жамоа ҳисобни тенглаштирди. Роберт Левандовски Ламин Ямалнинг узатмасидан кейин гол уриб, орадаги мувозанатни тиклади. 60-дақиқа Ламин Ямал “Барселона”нинг ўйиндаги иккинчи голини киритди. 69-дақиқага келиб, Рафиня 11-метрлик жарима зарбасини голга айлантириб, орадаги фарқни иккитага ошириб қўйди. 85-дақиқада захирадан майдонга тушган Маркус Решфорд ҳисобни йирик кўринишга келтириб қўйди. 

Мазкур ҳисоб ўйин якунга қадар ўзгармади ва “Барселона” охирги турда муҳим ғалабани қўлга киритди. 

Шунингдек, 8-тур доирасида “Манчестер Сити” ўз майдонида Туркиянинг “Галатасарой” клубига қарши баҳс олиб борди. “Этиҳад” стадионида ўтган учрашувда мезбонлар 2:0 ҳисобида зафар қучди. Ўйиндаги ҳисоб 11-дақиқада Эрлинг Ҳоланд томонидан очилд. 29-дақиқада Раян Шерки “шаҳарликлар” устунлигини мустаҳкамлади. Мазкур натижа учрашув якунига қадар ўзгармади ва Пеп Гвардиола жамоаси муҳим ғалабани қўлга киритди.

Натижада “Манчестер Сити” 16 очко билан 8-поғонани эгаллаб, 1/8 финал босқичига йўл олди. “Галатасарой” эса 10 очко билан 20-ўринни банд этди.

Яна бир учрашувда “Ливерпул” ўз майдонида Озарбайжоннинг “Қорабоғ” клубини қабул қилиб, 2:0 ҳисобида ғалаба қозонди. Учрашувдаги ҳисоб 15-дақиқада Алексис Макаллистер томонидан очилди. 21-дақиқада эса мерсисайдликлар ўзининг иккинчи голини киритди. Иккинчи бўлимнинг бошида “Ливерпул” Муҳаммад Салоҳнинг голи эвазига ҳисобни йирик кўринишга келтирди. 57-дақиқада эса Уго Экитике инглизларнинг ўйиндаги тўртинчи голини киритди. Орадан 5 дақиқа ўтиб, мерсисайдликлар бешинчи марта “Қорабоғ” дарвозасига йўл топди. Ўйин якунига яқин Федирико Кеза “Ливерпул”нинг 6-голини киритиб, учрашувга якуний нуқтани қўйди.

Мазкур ҳисоб ўйин якунига қадар ўзгармади ва “Ливерпул” Чемпионлар Лигаси гуруҳ босқичининг охирги турида йирик ҳисобда ғалаба қозонди.

ЕЧЛ гуруҳ босқичининг сўнгги турида марказий ўйинларидан яна бири “ПСЖ” “Нюкасл” иштирокида бўлиб ўтди. Учрашувда ҳисоб 8-дақиқада Витиня томонидан очилди. Биринчи бўлим якуни арафасида меҳмонлардан Жо Уиллок таблодаги натижани 1:1 кўринишига келтириб қўйди. Ўйин қизи ва томошабоп ўтган бўлса-да ҳисоб бошқа ўзгармади. Якуний натижа 1:1.

“Наполи” ва “Челси” ўртасидаги баҳс ҳам якунига етди. Учрашув Неаполдаги “Диэго Армандо Марадона” стадионида бўлиб ўтди ва унда меҳмонлар 3:2 ҳисобида ғалаба қозонди. Ўйинда ҳисоб 19-дақиқада “Челси” ярим ҳимоячиси Энсо Фернандес томонидан очилди. 33-дақиқада “Наполи” футболчиси Антонио Вергара мувозанатни тиклади. 43-дақиқада Расмус Ҳойлунд мезбонларни олдинга олиб чиқди. Жоао Педро 61-дақиқада ҳисобни тенглаштирди, 82-дақиқада эса дубль қайд этиб, лондонликларга ғалаба келтирди. 8 тур якунига кўра, “Наполи” 8 очко билан 30-ўринда жой олди. “Челси” эса 16 очко жамғариб, 6-поғонани эгаллади.

Шунингдек, куннинг навбатдаги учрашувида Дортмунднинг “Боруссия” клуби ўз майдонида Италиянинг “Интер” жамоасини қабул қилди. “Сигнал Идуна Парк” стадионида бўлиб ўтган баҳсда меҳмонлар 2:0 ҳисобида ғалаба қозонди. Ўйинда ҳисоб 81-дақиқада Федерико Димарко томонидан очилди. 90+4-дақиқада эса Анди Диуф “Интер”нинг устунлигини мустаҳкамлади.

Мазкур натижадан сўнг “Интер” 15 очко жамғарган бўлса, “Боруссия” ҳисобида эса 11 очко мавжуд. Гуруҳ босқичи якунларига кўра, ҳар икки жамоа ҳам плей-офф босқич йўлланмасига эга чиқди.

Европа Чемпионлар Лигаси 8-туридан ўрин олган баҳсда Нидерландиянинг “ПСВ” клуби ўз майдонида Мюнхеннинг “Бавария” жамоасини қабул қилди. Эйндховендаги “Филипс” стадионида бўлиб ўтган учрашувда меҳмонлар 2:1 ҳисобида ғалаба қозонди.

“Бавария” футболчиси Жамал Мусиала 58-дақиқада ҳисобни очди. 78-дақиқада Исмоил Сайбари мувозанатни тиклади. 84-дақиқада эса Ҳарри Кейн ғалаба голини киритиб, “Бавария”га муҳим уч очкони тадқим этди.

Мазкур натижадан сўнг “ПСВ” 8 очко билан 28-ўринни эгаллаб, мусобақани тарк этди. “Бавария” эса 21 очко жамғариб, иккинчи ўринни банд этди ва 1/8 финал йўлланмасини қўлга киритган эди.

Чемпионлар лигаси 8-туридан ўрин олган навбатдаги учрашувда Франкфуртнинг “Айнтрахт” клуби ўз майдонида Лондоннинг “Тоттенҳем” жамоасини қабул қилди. “Франкфурт Арена” стадионида кечган учрашувда меҳмонлар 2:0 ҳисобида ғалаба қозонди. Учрашувдаги ҳисоб 47-дақиқада Рандал Коло Муани томонидан очилди. 77-дақиқада Доминик Соланке лондонликлар устунлигини икки баробарга оширди.

Мазкур баҳсдан сўнг “Айнтрахт” 4 очко билан 33-ўринни эгаллаб, мусобақани тарк этди. “Тоттенҳем” эса 17 очко жамғариб, 1/8 финал йўлланмасини қўлга киритди.

• Барселона
• Чемпионлар Лигаси
• Liverpul
• Manchester Siti
• Real