Ўзбекистонда Ҳаж ва Умра зиёратларини ташкил этиш тартиби тубдан янгиланмоқда. Ўзгаришга кўра, эндиликда зиёратга боришни режалаштираётган фуқаролар электрон платформа орқали рўйхатдан ўтишлари керак бўлади. Бу талабга амал қилинмасдан туриб, сафарларни ташкил этишга рухсат этилмайди.

Ўзбекистон Республикаси Вазирлар Маҳкамаси томонидан 2026 йил 24 январь куни қабул қилинган 27-сонли қарорга мувофиқ, Ҳаж ва Умра тадбирларини ташкил этиш тизимини рақамлаштириш ва шаффофлигини ошириш мақсад қилинган. Ҳужжатда зиёрат жараёнларини замонавий ахборот технологиялари орқали бошқариш асосий устувор вазифа сифатида белгиланган.

Ушбу тизим орқали зиёратчилар ҳақидаги барча маълумотлар электрон шаклда йиғилади ва сақланади. Бу давлат органлари ҳамда масъул ташкилотларга зиёрат жараёнларини самарали назорат қилиш, навбатлар ва квоталарни аниқ ҳисобга олиш имконини беради. Шу билан бирга, фуқаролар учун ҳам рўйхатдан ўтиш жараёни соддалаштирилади.

Янги тартиб жорий йил 1 февралдан бошлаб Ҳаж зиёратига бориш учун, 1 майдан эса Умра зиёрати учун ягона портал орқали рўйхатдан ўтиш мажбурий ҳисобланади.

• Haj
• Умра
• Янгилик
• portal
• Зиёратгоҳ