22 май куни Ўзбекистон ҳудудида 4 магнитудали зилзила содир бўлди. Бу ҳақда Республика сейсмопрогностик мониторинг маркази маълум қилди.

Қайд этилишича, ер қимирлаши соат 01:32 да юз берган. Зилзила магнитудаси 4, чуқурлиги эса 10 километрни ташкил этган.

Эпицентр Тошкентдан 519 километр жануби-ғарбийда жойлашган Бухоро вилояти Жондор тумани ҳудудида қайд этилган.

Зилзила кучи айрим ҳудудларда қуйидагича сезилган:

— Ғазли шаҳрида 3 балл
— Пешку туманида 2-3 балл
— Қоракўл туманида 2 балл
— Жондор туманида 2 балл

Эслатиб ўтамиз, кеча — 21 май куни ҳам Ўзбекистон ҳудудида 3,8 магнитудали зилзила кузатилган эди.