Бугун, 23 май куни Тошкент вилоятининг Пискент туманидан оқиб ўтувчи Оҳангарон дарёсида бир аёл сув ўртасидаги қуруқликда қолиб кетди. Бу ҳақда Фавқулодда вазиятлар вазирлиги маълум қилди.

Қайд этилишича, соат 10:20 да Олмалиқ шаҳар Фавқулодда вазиятлар бўлимига дарё ўртасида бир фуқаро қолиб кетгани ва ёрдамга муҳтожлиги ҳақида хабар келиб тушган.

Маълум бўлишича, дарёда сув сатҳи кутилмаганда кўтарилиб, кучли оқим сабаб аёл хавфсиз ҳудудга чиқа олмаган.

Воқеа жойига зудлик билан етиб борган қутқарувчилар фуқарони хавфсиз ҳудудга олиб чиқди.

Эслатиб ўтамиз, 22 май куни Наманган вилоятининг Уйчи туманида 2025 йилда туғилган бола ҳожатхонага тушиб кетганди.