Германия ҳукумати Украинага 11 миллион евро миқдорида янги ёрдам пакетини шакллантирди, у Украина ҳарбийлари учун совуқ ойларга мўлжалланган курткалар, чодирлар ва бошқа жиҳозларни етказиб беришни ўз ичига олади. Бу ҳақда Германиянинг "Spiegel" журнали хабар берди.
“Украина раҳбариятининг сўровидан сўнг, Берлин яқинлашиб келаётган қиш мавсуми учун жами 11 миллион евролик жиҳозларни имкон қадар тезроқ етказиб бермоқчи. Қўллаб-қувватлаш пакетига 100 минг тўплам термал ички кийим ва бошқа қишки кийимлар, экипажлар учун 100 та иситиладиган чодирлар, юзлаб мобил электр генераторлари ва озиқ-овқат тўпламлари”, деб ёзади нашр.
Қайд этилишича, Украина Мудофаа вазирлиги ёз охирида НАТО орқали зудлик билан ўз ҳарбийлари учун қишки жиҳозларни сўраган. Украина мудофаа вазири Алексей Резников Альянс бош котиби Енс Столтенбергга йўллаган мурожаатида Киевга зудлик билан 200 минг аскар учун кийим-кечак керак эканини таъкидлаган.
Шунингдек, нашрга кўра, НАТОнинг яна бир қанча давлатлари Альянс штаб-квартирасини Германияга ўхшатиб қишки ёрдам пакетларини шакллантирмоқчи эканликларини билдирган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!