Трамп агар Гренландия аҳолиси орол АҚШга қўшилиши учун овоз берса, уларнинг ҳар бирига 1 миллион доллардан беришни таклиф қилиши режалаштирмоқда.

Гап Гренландиянинг тахминан 57 минг нафар аҳолиси ҳақида кетмоқда, яъни бу Қўшма Штатларга 57 миллиард долларга тушади, – дея хабар бермоқда The Daily Mail нашри.

Нашр манбаларига кўра, бу ғоя минтақада АҚШ ҳарбий иштирокини кучайтиришга эришишнинг муқобил усули сифатида кўриб чиқилмоқда.

Шу билан бирга, Даниянинг позицияси ўзгаришсиз қолмоқда. Копенгаген оролни топшириш ёки сотиш имкониятини рад этади ва унинг мақомига оид ҳар қандай қарор Дания томонининг розилигини талаб қилишини таъкидламоқда.

“Бу содир бўлмайди. АҚШ Гренландияга эгалик қилмайди. Бу — қизил чизиқ”, — дея маълум қилган Дания ташқи ишлар вазири Ларс Лёкке Расмуссен.

• АҚШ
• Трамп