31°
Кечаси 18°
Россиянинг Калининград вилоятида сафарбарлик эълон қилинган тақдирда амалга ошириладиган чоралар бўйича ҳарбий машғулотлар ўтказилгани маълум бўлди. Бу ҳақда Тҳе Wалл Стреэт Жоурнал Ғарб разведка хизматлари вакилларига таяниб хабар берди.
Нашр манбаларига кўра, июль ойида ўтказилган машғулотлар давомида ҳудудда сафарбарлик тадбирларини ташкил этишга тайёргарлик даражаси текширилган. Шунингдек, сафарбар қилинган ҳарбийларни жойлаштириш, уларни озиқ-овқат ва қурол-яроғ билан таъминлаш имкониятлари синовдан ўтказилган.
Ғарб махсус хизматлари вакилларининг таъкидлашича, шунга ўхшаш машғулотлар Россиянинг бошқа ҳудудларида ҳам ўтказилмоқда. Бироқ улар айнан қайси ҳудудларда бундай тадбирлар ташкил этилаётганини ошкор қилмаган.
WСЖ манбалари мазкур машғулотларни Россияда янги сафарбарлик тўлқинига тайёргарлик сифатида баҳолаган. Уларнинг фикрича, сентябрь ойидаги парламент сайловларига қадар сафарбарлик эълон қилиниши эҳтимоли паст.
Шу билан бирга, нашр суҳбатлашган экспертлар агар Россия ҳукумати кузда янги сафарбарлик эълон қилса, унинг амалий самараси қанчалик юқори бўлиши ҳозирча номаълумлигини қайд этган. Мутахассислар қиш ойларида мураккаб об-ҳаво шароити жанговар ҳаракатларнинг суръатини пасайтириши мумкинлигини таъкидламоқда.
Карнеги жамғармаси таҳлилчиси Майкл Кофманнинг фикрича, янги сафарбарлик тўлқини фронтдаги вазиятга 2027-йилдаёқ таъсир кўрсатиши мумкин.
Янги сафарбарлик эҳтимоли ҳақидаги хабарлар июнь охиридан буён тарқалмоқда. Энг кўп муҳокама қилинаётган тахминлардан бирига кўра, Россияда сафарбарлик сентябрдаги сайловлардан кейин эълон қилиниши мумкин.
Россия расмийлари эса янги сафарбарлик режалари мавжудлигини инкор этиб келмоқда. Бироқ 2022-йил сентябрида сафарбарлик эълон қилинишидан олдин ҳам Россия ҳукумати шунга ўхшаш баёнотлар берган эди. Шу билан бирга, 2022-йилда бошланган сафарбарликни расман якунлаш тўғрисида алоҳида фармон ҳозиргача эълон қилинмаган.
Янги сафарбарлик ҳақидаги хабарлар фонида “Ковчег” ҳуқуқни ҳимоя қилиш ташкилоти август ойида россияликларнинг мамлакатдан эмигратсия қилиш имкониятларига қизиқиши кескин ошганини маълум қилган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
