New Atlas нашри АҚШда олимлар грипп вирусларини юқтириш хавфини 99,9 фоизгача камайтирадиган бурун спрейини ихтиро қилишганини маълум қилди.

Патогенларни тутиб олиб, зарарсизлантирувчи спрей (PCANS) таркибида ҳеч қандай дори воситалари мавжуд эмас. Бунинг ўрнига у буруннинг ички қисмини қоплайдиган гель ҳосил қилади. Бу гель фойдаланувчининг нафас олишига таъсир қилмаса-да, бурун орқали кирган ҳар қандай вирус ёки бактерияларни ушлаб, улар нобуд бўлгунча хавфсизлантиради.

Ишланма грипп, аденовирус, пневмония ва ҳатто коронавирусда синовдан ўтказилди — уларнинг ҳеч бири бурундан нарига ўтмади.

Ҳарвардга алоқадор Brigham and Women’s Hospital шифохонаси олимлари томонидан яратилган спрей лаборатория сичқонларида синовдан ўтказилди. Синов муваффақият билан якунланди. 

PCANS ҳали одамларда синовдан ўтказилгани йўқ, аммо у 3D принтерда чоп этилган инсон бурни моделида қўлланди. Бу тажрибада PCANS оддий шиллиққа нисбатан икки баробар кўп микробларни тутиб олди.

Агар одамлар орасида спрей синови муваффақиятли ўтса, у 2026 йилда сотувга чиқарилиши мумкин. Олимлар спрейдан келгусида аллергияга қарши фойдаланиш ҳам мумкин, деб ҳисобламоқда.

• Фойдали
• Кашфиёт
• Lifestyle
• Янгилик
• ихтиро
• саломатлик